खोटाङका साहित्यकर्मीहरुद्धारा सडक साहित्य प्रस्तुत

दमन राई/खोटाङ
चैत्र-२८ तोकिएको समयमा संविधान बनाउन दबाब दिन खोटाङका साहित्यकर्मीहरुले सदरमुकाम दिक्तेलमा सडक साहित्य प्रस्तुत गरेका छन् । राष्ट्रिय वाङमय कला प्रतिष्ठानले आयोजना गरेको सडक साहित्य आन्दोलन अन्तर्गत जिल्लाका डेढ दर्जन साहित्यकर्मीले रचना प्रस्तुत गरेका छन् । सदरमुकाम दिक्तेलको त्रिवेणी चौकमा आयोजित साहित्यिक आन्दोलनमा साहित्यकार विष्णु आभुषण चमा थुलुङ वेदीकुमार राई लगायतका साहित्यकर्मीहरुले रचना सुनाउनु भएको थियो । जनताले चुनेका नेताहरुले संविधान बनाउन बिर्सिएकाले आन्दोलन सुरु गरिएको साहित्यकर्मीहरुले बताएका छन् ।