आगलागीमा पाँच लाख बढि क्षती

दमन राई/खोटाङ
चैत्र-१५/खोटाङ जालपा-१ छिप्तीकी धनकुमारी तामाङको घरमा आगलागी हुँदा पाँच लाख बढि क्षती भएको छ । हिजो बेलुका भएको आगलागीमा तामाङको घर र मतान जलेर साँढे पाँच लाख बराबरको धनमाल नष्ट भएको हो ।
आगलागीमा घरमा भएका अन्न लत्ता कपडासमेत नष्ट भएको स्थानीय लक्ष्मी तामाङले जानकारी दिनु भयो । बेलुका सात वजे भएको आगलागीकोकारण भने खुल्न सकेको छैन । स्थानीय रेडक्रस प्रतिनिधि र छिमेकीले आगो नियान्त्रण गर्ने प्रयास गरेपनि सफल नभएको स्थानीय तामाङले बताउनु भयो । आगलागीमा मानवीय क्षती भएको छैन । आगलागीवारे जानकारी नभएको प्रहरीले जनाएको छ ।