फेरी साचालन नहुँदा खोटाङमा दैनिक उपभोग्य सामग्रीको अभाव

दमन राई/खोटाङजेठ-, २७ धनकुटा र भोजपुरको सिमाना अरुण नदीमा फेरी साचालन नहुँदा खोटाङ सदरमुकाम दिक्तेलमा दैनिक उपभोग्य सामग्रीको अभाव भएको छ । अवरुद्ध फेरीबाट सामान तार्न नसकिएपछि खोटाङमा एक हप्तादेखि चामल दाल नुन तेलजस्ता दैनिक उपभोग्य सामाग्रीको अभाव भएको हो । नदीमा पानीको सतह बढेसंगै फेरी बन्द हुँदा सामान आयात बन्द भएको उद्योग बाणिज्य संघ खोटाङका उपाध्यक्ष राजु लयालुले बताउनुभयो । फेरी नचल्दा धरान धनकुटा भोजपुर हुँदै दिक्तेल आउने सवारी साधन लेगुवामा नै रोकिएका छन् । यो नाकाबाट जिल्लामा दैनिक १५/२० वटा मालबाहक सवारी साधनले दैनिक उपभोग्य सामाग्री ओसार्दै आएको छ ।