बैंकमा आर्थिक अभाव

दमन राई/खोटाङ
असार-१६, राष्ट्रिय बाण्ज्यि बैंक खोटाङमा आर्थिक अभाव भएको छ । पर्याप्त आर्थिक अभावमा नगद भुक्तानी दिन समस्या भएको छ । पुर्वअनुमान भन्दा बढि भुक्तानी दिनु परेकाले भुक्तानी दिन समस्य भएको बैंकका प्रबन्धक मुरारीप्रसाद दंगालले बताउनु भयो । पर्याप्त आर्थिक अभावमा बैंकले आज दश हजारका दरले भुक्तानी दिईरहेको प्रबन्धक दंगालले बताउनु भयो ।

फेरी साचालन नहुँदा खोटाङमा दैनिक उपभोग्य सामग्रीको अभाव

दमन राई/खोटाङजेठ-, २७ धनकुटा र भोजपुरको सिमाना अरुण नदीमा फेरी साचालन नहुँदा खोटाङ सदरमुकाम दिक्तेलमा दैनिक उपभोग्य सामग्रीको अभाव भएको छ । अवरुद्ध फेरीबाट सामान तार्न नसकिएपछि खोटाङमा एक हप्तादेखि चामल दाल नुन तेलजस्ता दैनिक उपभोग्य सामाग्रीको अभाव भएको हो । नदीमा पानीको सतह बढेसंगै फेरी बन्द हुँदा सामान आयात बन्द भएको उद्योग बाणिज्य संघ खोटाङका उपाध्यक्ष राजु लयालुले बताउनुभयो । फेरी नचल्दा धरान धनकुटा भोजपुर हुँदै दिक्तेल आउने सवारी साधन लेगुवामा नै रोकिएका छन् । यो नाकाबाट जिल्लामा दैनिक १५/२० वटा मालबाहक सवारी साधनले दैनिक उपभोग्य सामाग्री ओसार्दै आएको छ ।

गणतन्त्र दिवसको अवसरमा जागरण गीत प्रतियोगिता सम्पन्न

काठमाडौं । गणतन्त्र दिवसको अवसरमा गृह मन्त्रालय र रेडियो नेपालको आयोजनामा जागरण गीत प्रतियोगिता सम्पन्न भएको छ । प्रतियोगितामा गीत रचनातर्फ तारा थुलुङ 'अथाह' र संगीततर्फ नरेन्द्र प्यासी उत्कृष्ट भएका छन् भने गायनतर्फ क्रमशः रोशना रश्मि, केशव पौडेल, नारायण लामा र राधिका भण्डारी प्रथम, गोविन्द इम्सोङ र सुवास इम्सोङ दोस्रो र रिन्कु जसवालले तेस्रो स्थान प्राप्त गरेका छन् ।

पानीको माग गर्दै खोटाङमा भ्यागुताको बिबाह

दमन राई/खोटाङ
जेठ ४, लामो समयसम्म पानी नपरेपछि खोटाङको चिसापानी र खोटाङ बजारका किसानहरुले भ्यागुताको बिहे गरिदिएका छन् । ९ महिना अघिदेखि पानी नपरेपछि चिसापानी र खोटाङ बजारका किसानहरुले स्थानीय सावा खोलाको भानुमतीमा गएर भ्यागुताको बिहे गरिदिएका हुन् । दुई हजार बढि किसानहरुले बाजा-गाजासहित खोलामा गएर धुमधामकासाथ भ्यागुताको बिबाह गरिदिएका हुन् । किसानहरुले भ्यागुताको बिबाहसंगै पिपल र आँपको पातको एक हजार आठ वटा खोची दुना गाँसेर पानीको माग गर्दै खोलामा बगाएका चिसापानीका स्थानीय शिक्षक कपिलमणी घिमिरेले जानकारी दिनु भयो । ६० वर्ष यताकै लामो मानिएको खडेरीले जिल्लाको दक्षिणी क्षेत्रका चिसापानी खोटाङ बजार दिप्लुङ बड्कादियाले सुन्तले फक्टाङ मौवाबोटे पौवासेरा बराहपोखरी साउनेचौरलगायत दर्जनौं गाबिसका किसानहरुले अन्न-वाली लगाउन पाएका छैनन् । पानीको अभावमा चैते धानको बीउ ब्याडमै फुलेको छ भने समयमा मकै पनि छर्न सकेका छैनन् । बाजा-गाजकासाथ माईकिङ गर्दै खोलामा पुगेका किसानहरुले ईन्द्रको प्रार्थना गरेका छन् । उनीहरुले एक आपसमा पानीले छ्यापाछ्याप गर्दै ॐ लेखेको पिपल र आँपको पात पनि खोलामा बगाएका शिक्षक घिमिरेले बताउनु भयो । यस्तै बर्षेवाली लगाउने समय बितिसक्दा पनि पानी नपरेपछि रतन्छाका किसानले नाग पूजा गरेका छन् । रतन्छा-४ का किसानले बेरिया खोलाको फराके दहमा जाँड-रक्सी चढाएर नाग पूजा गरेका हुन् ।

सुर्यबहादुर जिल्लाकै नमूना कफी व्यवसायी

दमन राई/खोटाङ
बैसाख-३१, खोटाङ चिसापानी-२ का सुर्यबहादुर राई जिल्लाकै नमूना कफी व्यवसायी बन्नु भएको छ । राई आफ्नो दुई रोपनी जग्गामा कफी खेती गरेर नमूना कफी व्यवसायी बन्नु भएको हो । एक बोटमा बार्षिक सात देखि आठ किलो उत्पादन हुने कफी बिक्री गरेर राईले आफ्नै ठाउँमा राम्रो कमाई गरिरहनु भएको छ । ईलामबाट कफीको बीउ ल्याएर खेती शुरु गर्नु भएका राईले आफ्नो आठ जनाको परिवार धानीरहनु भएको छ । कफीको सुकाएको ड्रईचेरी दाना प्रतिकिलो ५० र बोक्रा छोडाइएको पार्चमेन्ट दाना प्रतिकिलो डेढ सयमा बिक्री हुने गरेको राईले बताउनु भयो । राईकोअनुशार पुर्वको ईटहरी काठकाडौं कफीको मुख्य बजार हो । कफी अन्य बालीभन्दा उत्पादनमूलक भएको बताउनुहुने राईले यसको बेर्ना समेत उत्पादन गर्दै आउनु भएको छ । पाँचथर र ईलाममा कफी खेती गरेको देख्नु भएका प्रहरीका पेन्सनर राईले गाउँ फर्किएर कफी खेती गर्नु भएको हो । यस क्षेत्रमा अहिले रोपेको तीन वर्षपछि फल दिने कफी खेती गर्नेहरुको लहर नै चलेको छ । राईको सिको गर्दै चिसापानी-७ का चन्द्र प्रधान भोला प्रधान देवीबहादुर प्रधान लक्ष्मण प्रधान देबीबहादुर कार्की एकराज कोईराला सम्झना राई दिप्लुङका दिपक राई सावकटहरेका हाङदीप खम्बुलगायतले कफी खेती शुरु गर्नु भएको छ ।
बालसेवा समाज नेपाल नेर्पा कृषि तथा नाहिमा कृषि श्रोत केन्द्रबाट हौसला पाईरहेका राईले कफीबाहेक चिया खेती समेत शुरु गरेको बताउनु भयो ।

फरक जातको केटीसंग बिबाह गरेको भन्दै दाजुभाईद्धारा बहिस्कार

दमन राई/खोटाङ
बैसाख-३१, तल्ला जातको केटीसंग बिबाह गरेको भन्दै खोटाङ च्यास्मीटार-७ का हिरालाल राईलाई दाजुभाईले अलग बनाएका छन् । आफुभन्दा तल्ला जातको छिताहार केटीसंग बिबाह गरेको भन्दै दाजुभाईले राईलाई अलग गरेका हुन् । दाजुभाईले आफ्नो कुलपित्री गरेकोबेला आवत-जावतमा रोक लगाएको राईले बताउनु भयो । दाजु भाईले आफ्नो घरमा आउन नदिने र उनको घरमा पनि नजाने बताएका छन् । नआउने हिरालालले डिकुवा-७ ओफ्लाङका छिताहार जातका केटीसंग बिबाह गर्नु भएको छ । डिकुवामा नौ घर संख्यमा बस्दै आएका छिताहारलाई तल्लो जातकोरुपमा भेदभाव गरिदै आइएको छ । स्थानीय सामाजिक परम्पराअनुशार राई र बिश्वकर्माबाट जन्मीएका सन्तानलाई छिताहार भनिन्छ । उता उदयपुरको मादलेमा पनि तीन दर्जन छिताहार परिवारको बसोबास रहेको छ । उनीहरुले भने गत २०६२ साल मंसिरमै यस्तो कुप्रथाको सामुहिक अन्त्यको घोषणा गरिसकेका छन् ।

चट्याङ लागेर खोटाङमा दुई जनाको ज्यान गयो

दमन राई/खोटाङ
बैसाख-२४, चट्याङ लागेर खोटाङमा दुई जनाको ज्यान गएको छ । हावा हुरीसँगै परेको चट्याङले नेर्पा-८ रामपुरका केदार बास्तोला र जालपा-४ साम्वारेका बालिका प्रकृति राईको ज्यान गएको हो । चट्याङ लागेर दुई जना घाईते भएका छन् । आज दिउसो परेको चट्याङ लागेर नेर्पाका १९ वर्षीय बास्तोलाको ज्यान गएको हो । छिमेकी अम्बरबहादुर मगरको घरमा गएकोबेला बिद्युत मिटर बक्समा चट्याङ परेको चट्याङ लागेर बास्तोलाको ज्यान गएको हो । चट्याङ लागेर घाईते भएका बास्तोलाको उपचारकोलागि जिल्ला अस्पताल लैजादै गर्दा बाटैमा ज्यान गएको जिल्ला प्रहरी कार्यलय खोटाङका प्रहरी सहायक निरिक्षक भोजराज रखालले जानकारी दिनु भयो । यस्तै चट्याङ लागेर जालपामा बालिका प्रकृतीको ज्यान गएको छ । हिजो परेको दिउसो परेको चट्याङ लागेर खार्मी-९ कुम्देलका निर वाहादुर राईको ७ वर्षिय छोरी प्रकृतीको ज्यान गएको हो । यस्तै समला राई र केशर राई घाईते भएका छन् । मृत बालिका पढाईको क्रममा जालपामा आफन्त कहाँ वस्दै आएका थिए ।

किरात जनवादी वर्कस पार्टीद्धारा प्रहरीचौकी आक्रमणको जिम्मा

दमन राई/खोटाङ

बैसाख-२२, अज्ञात हतियारधारी समुहले खोटाङको नुनथलास्थित प्रहरी चौकीबाट छ थान हतियार र पाँच सय १६ राउण्ड गोली लुटेका छन् । १५/२० जनाको समुहमा हतियारसहित आएका नकावधारी समुहले प्रहरीचौकी नियन्त्रणमा लिई चौकीमा भएका पाँच थान थ्री नट थ्री राईफल र एक थान चाईनीज पेस्तोल लुटेर लगेको जिल्ला प्रहरी कार्यलय खोटाङका प्रहरी नायव उपरिक्षक टेकबहादुर तामाङले बताउनु भयो । उनीहरुले चौकीमा भएको राईफलको पाँच सय राउण्ड गोली र पेस्तोलको १६ राउण्ड गोली समेत लुटेर लगेको जिल्ला प्रहरी कार्यालय खोटाङले जनाएको छ । उनीहरुले प्रहरीलाई नियन्त्रणमा लिएर सामान्य कुटपिट समेत गरेका थिए । घटनापछि खोजी कार्यमा परिचालन गरिएका प्रहरीले आज लुटिएको एक थान साचार सेट फेला पारेका छन् ।

यसैबीच सशस्त्र भुमीगत किरात जनवादी वर्कस पार्टीले प्रहरीचौकीमा भएको घटनाको जिम्मा लिएको छ । वर्कसका केन्द्रीय सह-सचिव हाङछा किरातीले टेलिफोनबाट प्रहरीचौकीमा भएको घटनाको जिम्मा लिनु भएको हो । सह सचिव किरातीले घटनामा आफ्नो कार्यकर्ताको संलग्नता रहेको स्वीकार गर्नुभए पनि कुनै हतियार भने नलगेको दावी गर्नु भयो । हतियार लुटेको भन्ने प्रहरीको खण्डन गर्नुहुदै उहाँले प्रहरीलाई चौकी छाडेर सदरमुकाम जानमात्र आग्रह गरेको जिकिर गर्नु भयो । सदरमुकाम दिक्तेलबाट तीन घण्टा टाढा रहेको चौकीमा प्रहरी सहायक निरिक्ष राजकुमार खड्काको नेतृत्वमा आठ जना प्रहरी थिए । घटनापछि प्रहरीले जिल्लाको सुरक्षा व्यवस्था कडा बनाएको छ । अहिले उनीहरुको खोजी भईरहेका प्रहरी नायक उपरिक्षक तामाङले बताउनु भयो ।

यसअघि किरात जनवादी वर्कस पार्टीले २०६४ माघ ७ गते बेलुकी जिल्लाको तीन प्रहरी चौकीमा एकैसाथ आक्रमण गरी हतियार लुटेको थियो ।

शब्दशिखाको फेसबूक विशेष चैत अङ्क प्रकाशित

प्रभास साहित्यिक समूहको मासिक प्रकाशन 'शब्दशिखा'को चैत अङ्क प्रकाशित भएको छ । यस अङ्कमा पाठकहरुले स्व.स्वप्निल स्मृति, दीपा एवाई राई, मनु लोहोरुङ र विष्णु नेम्वाङ सुब्बाको कविता, राजन मुकारुङ र नदीशको गीत, सरिता राई, कृष्णपक्ष र श्रवण खनालको गजल, यल्जी विवशको हाइकू, साहित्यिक समाचार, पुस्तक परिचयको अलवा पदम राईद्वारा अनुदित रुसी लोककथा, विशदबाट कविताकृति, 'धारिला मानिसहरु'को चर्चा र सुमन तण्डुकारद्वारा अनुदित नाकिमाको नेपाल भाषाको कविता पढ्न पाउनुहुनेछ । फेसबूक विशेष यस नवौँ अङ्कका अधिकांश सामगि्रहरु फेसबूकबाट साभार गरिएका हुन् ।

१७ औँ पारिजात दिवस मनाइयो

नाकिमा/काठमाडौं

५ बैशाख । काठमाडौंको म्हेपीस्थित पारिजात निवासमा स्मृतिसभा गरेर १७ औँ पारिजात दिवस मनाइएको छ । पारिजात स्मृति केन्द्रको आयोजनामा सम्पन्न सो कार्यक्रममा लक्ष्मी मालीले पारिजातको 'मृत्यु' शीर्षकको कविता वाचन गर्नुभएको थियो भने पद्मरत्न तुलाधर, घनश्याम ढकाल, निनु चपागाई र डा.महेश मास्केले नेपाली साहित्यको मूर्धन्य प्रतिभा पारिजातको कृतित्व तथा व्यक्तित्वबारे चर्चा गर्नुभएको थियो । स्मृतिसभा समापनपछि निर्माणाधिन पारिजातभवनमा राखिएको पारिजातको शालिकमा सुकन्या वाइबा लगायत उपस्थितहरुले माल्यार्पण गरेका थिए ।

भाउजुको ज्यान मारेको आरोपमा एक जना पक्राउ

दमन राई/खोटाङ
बैसाख-५ आफ्नै भाउजुको ज्यान मारेको आरोपमा कुभिन्डेका ताराकुमार तामाङलाई प्रहरीले पक्राउ गरेको छ । ४५ बर्षीय भाउजु चन्द्रमायाँ तामाङको हत्य गरेको आरोपमा प्रहरीले कुभिन्डे-१ का आरोपित तामाङलाई हिजो पक्राउ गरेको हो । रक्सी पोखिएको निहुमा ताराकुमारले गत ३ गते बेलुका भाउजु चन्द्रमायाँको हत्य गरेका थिए । अभियुक्तलाई नियान्त्रणमा लिइ घटनाकाबारेमा अनुसन्धान भइरहेको जिल्ला प्रहरी कार्यालय खोटाङले जनाएको छ ।

नयाँ वर्षको शुभकामना आदानप्रदानसहित कविता वाचन

४ बैशाख । नव वर्ष २०६७ सालको शुभकामना आदानप्रदान कार्यक्रमसहित खोटाङ महासमाजले कवि गोष्ठी सम्पन्न गरेको छ । सो कार्यक्रममा विश्व दर्शन, चन्द्र चाम्लिङ, मंजु मार्मिका र नाकिमा लगायतका थुप्रै कविहरुले कविता वाचन गरे भने सभासदहरु अस्मिता कार्की, हिरा गुरुङ साहित्यकारहरु डा.विष्णु राई, धनप्रसाद सुवेदी 'श्रमिक' लगायतका विभिन्न खोटाङ्गे महानुभावहरुले शुभकामना मन्तव्य व्यक्त गरेका थिए । महासमाजका अध्यक्ष नवल खड्काको अध्यक्षतामा सम्पन्न उक्त कार्यक्रमको साचालन सो संस्थाका महासचिव मनिप्रसाद राईले गरेका थिए ।

शुभकामना आदान प्रदान गर्दै रुपाकोट सामुदायीक रेडियोद्धारा तेश्रो बार्षिकोत्सव मनाउदै

दमन राई/खोटाङ
बैसाख-१ ख्ााेटाङको रुपाकोट सामुदायीक रेडियोले एक आपसमा शुभकामना आदान प्रदान गर्दै आफ्नो तेश्रो बार्षिकोत्सवको मनाइरहेको छ । बार्षिकोत्सवको अवशरमा रेडियोले दिक्तेलको समिक्षालयमा आज शुभकामना आदान प्रदान कार्याक्रम गरेको छ । कार्यक्रममा शुभकामना शन्देशमार्फत

बक्ताहरुले सुचना तथा साचारका क्षेत्रमा रेडियोले पुर् याएको योगदानको चर्चा गर्दै आगामी दिनमा रेडियोले चाल्नु पर्ने कदमकावारेमा बोल्नु भएको थियो । कार्यक्रममा एकीकृत नेकपा माओवालीका जिल्ला सेक्रेटरी बिक्रम नेपाली कांग्रेसका महेन्द्र कटुवाल नेकपा एमालेका रामप्रसाद दंगाल नेकपा एकीकृतका राम बजगाईलगायतले शुभकामना मन्तव्य दिनु भएको थियो । कार्यक्रममा रुपाकोट रेडियोले पूर्णकालिन तथा स्वयं सेवक रेडियोकर्मीहरुलाई मायाँको चिनो प्रदान गरेको छ । यस्तै हिजो भएको लोक गीत सम्मेलनमा पहिलो स्थान प्राप्त गर्नुहुने बाम्राङकी प्रमिला राई र सर्मिला राई दोश्रो हुनु हुने राजापानीका लालकुमारी राई र तेश्रो हुनु हुने सप्तेश्वर छितापोखरीकी कुमारी थापालाई क्रमशः तीन हजार दुई हजार र एक हजार नगदकासाथमा प्रमाणपत्र प्रदान गरिएको छ । उहाँहरुलाई रेडियो साचालक समितिका उपाध्यक्ष हरि राजभण्डारीले पुरस्कार तथा प्रमाणपत्र प्रदान गर्नु भएको थियो । जिल्ला बिकास समितिको समिक्षालयमा भएको शुभकामना आदान प्रदान कार्यक्रम सकिएपछि सदरमुकाम दिक्तेलका सर्वसाधारणको शुभकामनालाई सन्देशलाई रेडियोले प्रत्यक्ष प्रशारण गरिरहेको छ ।

तीन वर्षअघि स्थापना भएको रुपाकोट रेडियोले बिभिन्न समाचार तथा मनोराजनात्मक कार्यक्रम उत्पादन तथा प्रशारण गर्दै आएको छ । दक्षिण एसियमै सबैभन्दा बढि शेयर सदस्य भएको रेडियो समुदायको आफ्नै लगानीमा स्थापना भएको हो ।

नयाँ वर्षको नयाँ बिहानीमा प्रचण्ड निवासमा कविहरु

१ बैशाख । संविधान निर्माण, राजनैतिक सहमति र शान्तिका लागि दवाव स्वरुप पारिजात स्मृति केन्द्रले काठमाडौं नयाँबजारस्थित एकीकृत माओवादीका अध्यक्ष प्रचण्ड निवासमा स्वयम् प्रचण्डकै उपस्थितिमा कविता वाचन सम्पन्न गरेको छ । बिहान ७ बजेदेखि एक घण्टा चलेको उक्त कविता वाचनमा श्रवण मुकारुङ, धिरेन्द्र प्रेमर्शी, लक्ष्मी माली, बिमला तुम्खेवा लगायतका १५ जना कविहरुको सहभागिता रहेको थियो । कार्यक्रमको अन्त्यमा कार्यक्रम र कविताहरुको प्रतिक्रिया दिँदै अध्यक्ष प्रचण्डले जनताको आवश्यकता र भावनालाई सम्बोधन गर्ने संविधान निर्माणको निम्ति आफ्नो पार्टी प्रतिबद्ध रहेको कुरा बताउनु भयो । साथै उहाँले नयाँ वर्षलाई साँच्चै नयाँ बनाइदिएकोमा पारिजात स्मृति केन्द्रलाई धन्यवाद दिनुभयो । स्मृति केन्द्रले भोलि बिहान एमाले अध्यक्ष झलनाथ खनालको निवासमा कविता सुनाउने कार्यक्रम तय गरेको छ ।

पानी माग गर्दै खोटाङ रतन्छाका कृषकद्धारा नाग पुजा

दमन राई/खोटाङ
चैत्र-३१ लामो समयसम्म पानी नपरेपछि खोटाङ रतन्छाका कृषकहरुले खोलामा गएर नाग पुजा गरेका छन् । उनीहरुले पानीको माग गर्दै बोरीया खोलाको फराँके दहमा पाँच जना नक्छुङहरुद्धारा नागको पुजा गरेका हुन् । उनीहरुले राई संस्कृति अनुशार नागलाई जाँड रक्सी चढाएर पुजा गरेको स्थानीय राजेन्द्र राईले जानकारी दिनु भयो । नाग पुजा गर्नकालागि रतन्छाका दुई सय बढि किसानहरु सहभागी थिए । लामो समयसम्मको खडेरीले त्यस क्षेत्रका हजारौं हेक्टर कृषि योग्य जमिनमा खेती लगाउन सकिएको छैन ।

खोटाङका साहित्यकर्मीहरुद्धारा सडक साहित्य प्रस्तुत

दमन राई/खोटाङ
चैत्र-२८ तोकिएको समयमा संविधान बनाउन दबाब दिन खोटाङका साहित्यकर्मीहरुले सदरमुकाम दिक्तेलमा सडक साहित्य प्रस्तुत गरेका छन् । राष्ट्रिय वाङमय कला प्रतिष्ठानले आयोजना गरेको सडक साहित्य आन्दोलन अन्तर्गत जिल्लाका डेढ दर्जन साहित्यकर्मीले रचना प्रस्तुत गरेका छन् । सदरमुकाम दिक्तेलको त्रिवेणी चौकमा आयोजित साहित्यिक आन्दोलनमा साहित्यकार विष्णु आभुषण चमा थुलुङ वेदीकुमार राई लगायतका साहित्यकर्मीहरुले रचना सुनाउनु भएको थियो । जनताले चुनेका नेताहरुले संविधान बनाउन बिर्सिएकाले आन्दोलन सुरु गरिएको साहित्यकर्मीहरुले बताएका छन् ।

चौथो शृङ्खलामा पारिजात महिला कवि गोष्ठी

नाकिमा/काठमाडौं

१८ चैत्र । पारिजात स्मृति केन्द्रको आयोजनामा 'पारिजात महिला कवि गोष्ठी'को चौथो शृङ्खला सम्पन्न भएको छ । काठमाडौंको रविभवनस्थित रातो घरमा संचालित चौथो शृङ्खलामा कविहरु प्रगति राई, अस्मिता मानन्धर, सुधा त्रिपाठी, हरिमाया भेटवाल, चन्दा थामी, शुशिला प्रधानाङ्ग र लक्ष्मी मालीले आ-आफ्ना कविता सुनाउनुभयो । वाचित कविताहरुमाथि कवि श्रवण मुकारुङ लगायत अन्य सहभागीहरुले टिप्पणी गरेका थिए ।

खोटाङको लेकाली क्षेत्रमा मकै छर्न सकिएन

दमन राई/खोटाङ

चैत्र-१६, समयमै पानी नपरेपछि खोटाङको लेकाली क्षेत्रका सयौं हेक्टर क्षेत्रफल जमिनमा मकै छर्न सकिएको छैन । पानी नपरेपछि लेकाली क्षेत्रका २५ प्रतिशत खेती योग्य जमिनमा मकै छर्न नसकिएको जिल्ला कृषि बिकास कार्यालय खोटाङले जनाएको छ । जिल्लाको मात्तिम खिदिमा छितापोखरी चिसापानी ईन्द्रेणीपोखरीलगायतका लेकाली गाबिसमा मकै छर्न ढिलाई भएको जिल्ला कृषि बिकास कार्यलय खोटाङका प्राबिधिक सहायक शम्भुप्रसाद शाहले बताउनु भयो । फागुनमा छरी सक्नुपर्ने मकै चैत्रमा पनि छर्न नपाउदा यी क्षेत्रका किसान चिन्तित भएका छन् । यस्तै लामो समयसम्मको खडेरीले जिल्लाको दक्षिण-पुर्वी क्षेत्रका दर्जनौं गाबिसका किसानहरुले मकै छर्न पाएका छैनन् । जिल्लाको टेम्मा याम्खा बतासे देबिस्थान मौवाबोटे फाक्टाङ चिसापानी सावाकटहरे बड्कादियाले खोटाङबजार लिच्कीराम्चे गाविसका किसानहरुले मकै छर्न नपाएका लिच्कीराम्चेका स्थानीयवासी रमेश राईले बताउनुभयो । पानी नपरेपछि त्यस क्षेत्रको खेतबारीमा लगाइएको गहु आलु र तोरी मर्न थालेका छन् । यस्तै पानीको अभावमा चैते धान रोप्न नसकिएको र रोपेको धानको बिरुवा मर्न थालेको बड्कादियालेका रबि गेलालले बताउनु भयो ।

खोटाङका दर्जनौं खोलाहरुमा माछा हराउँदै

दमन राई/खोटाङ
चैत्र-१५/बिष तथा करेन्ट लगाएर माछा मार्न थालिएपछि खोटाङका दर्जनौं खोलाहरुमा माछा हराउदै गएका छन् । माछा मार्न जथाभावी करेन्ट तथा बिषको प्रयोग बढेपछि जिल्लाको सावा रावा तावा टुवा साप्सु मेवा दिखुवालगायतका दर्जनौं खोलाहरुमा माछा हराउदै गएको हुन् । अघिल्ला वर्षहरुमा प्रशस्त माछा पाईने यी खोलाहरुमा हिजो आज माछा पाउन छाडिएको दिप्सुङका टेकबहादु राईले बताउनु भयो ।
जथाभावी खोलामा बिष तथा करेन्ट लगाइएपछि माछा माछाका भुरा यसका आहारा र अन्य जलचर समेत नाश भएका छन् ।स्थानीयवासीहरुले खोलाको माछा मार्न करेन्ट बिष किटनाशक औषधि हाल्ने बल्छी जाल थाप्ने गरेका छन् । यसवाहेक बबिस टिम्मुर चुवा एक जातको रुखको बोक्रालाई समेत बिषकोरुपमा प्रयोग गर्ने गरिएको छ । खोलामा जथाभावी माछा मार्न प्रतिबन्ध लगाइएपनि माछा मार्नेक्रम नरोकिएको माछा संरक्षण समितिले जनाएको छ ।

आगलागीमा पाँच लाख बढि क्षती

दमन राई/खोटाङ
चैत्र-१५/खोटाङ जालपा-१ छिप्तीकी धनकुमारी तामाङको घरमा आगलागी हुँदा पाँच लाख बढि क्षती भएको छ । हिजो बेलुका भएको आगलागीमा तामाङको घर र मतान जलेर साँढे पाँच लाख बराबरको धनमाल नष्ट भएको हो ।
आगलागीमा घरमा भएका अन्न लत्ता कपडासमेत नष्ट भएको स्थानीय लक्ष्मी तामाङले जानकारी दिनु भयो । बेलुका सात वजे भएको आगलागीकोकारण भने खुल्न सकेको छैन । स्थानीय रेडक्रस प्रतिनिधि र छिमेकीले आगो नियान्त्रण गर्ने प्रयास गरेपनि सफल नभएको स्थानीय तामाङले बताउनु भयो । आगलागीमा मानवीय क्षती भएको छैन । आगलागीवारे जानकारी नभएको प्रहरीले जनाएको छ ।

ललितपुर र खोटाङमा एकैसाथ सिर्जना सागर सम्पन्न

१४ चैत्र । २८ जना स्रष्टा/स्रोताको उपस्थितिसहित 'सिर्जना सागर'को १९ औँ श्रृङ्खला सम्पन्न भएको छ । प्रभास साहित्यिक समूह केन्द्र र अखिल नेपाल लेखक सङ्घ ललितपुरको आयोजनामा संचालित सिर्जना वाचन/श्रवनको उक्त मासिक कार्यक्रम हरेक महिनाको दोस्रो शनिबार ललितपुरको लगनखेलस्थित नमूना उ.मा.वि.मा सम्पन्न हुँदै आएको छ ।

यसैगरी खोटाङमा पनि प्रभास साहित्यिक समूह खोटाङको आयोजनामा उस्तै प्रकृतिको कार्यक्रम 'सिर्जना सागर'को पहिलो श्रृङ्खला सम्पन्न भएको छ । सदरमुकाम दिक्तेलस्थित किरात राई विद्यार्थी सङ्घको हलमा सम्पन्न पहिलो श्रृङ्खलामा १९ जना स्रष्टा/स्रोताहरुको उपस्थिति रहेको थियो ।

खोटाङमा एसएलसि दिदै गरेका एक छात्राको ज्यान गयो

दमन राई/खोटाङ
चैत्र-१३/मधुमेहकाकारण खोटाङमा एसएलसि दिदै गरेका एक छात्राको ज्यान भएको छ । मधुमेहकाकारण कालिका माबि नेर्पाका २१ बर्षीय छात्रा सर्मिला गजमेरको ज्यान गएको हो । श्रीमाबि बास्बोटे लफ्याङ केन्द्रबाट एसएलसि परिक्षा दिदै गरेकी छात्रा सर्मिला गजमेरको उपचारकोक्रममा आज बेलुका ज्यान गएको जिल्ला अस्पतालका अस्पतालका जनस्वास्थ्य अधिकृत प्रकाश हिमालीले बताउनु भयो । हिजो अंग्रेजी बिषयको परिक्षा दिदै गर्दा रोगले च्यापेपछि छात्रा गजमेर परिक्षा हलबाट एक घण्टाअघि नै बाहिरिएका केन्द्राध्यक्ष शिबहरी ढकालले बताउनु भयो । बिरामी छात्रालाई उपचारकालागि हिजो दिउसो अस्पतालमा भर्ना गरिएको थियो । आजको हवाई जहाज क्या_िन्सल भएपछि गजमेरलाई थप उपचारकालागि अन्यात्र लैजाने प्रयास असफल भएको थियो । अन्यत्र लैजाने प्रयास असफल भएपछि उनको अस्पतालमै फकाईएपछि मृत्यु भएको हो । अस्पतालले गजमेरलाई १५ दिनअघि नै अर्थात गत फागुन २७ गते रिफर गरेको जनाएको छ ।

खोटाङको हलेसीमा आज रामनवमी मेला

दमन राई/खोटाङ
चैत्र-११/रामनवमीको अवसरमा खोटाङको हलेसीमा ठूलो रामनवमी मेला लागीरहेको छ । हलेसीमा महादेव र पार्वतीको दर्शन गर्ने श्रद्धालु भक्तजनहरुको बिहानैदेखि घुइचो लागीरहेको छ । हलेसीमा आज विहानैबाट हजारौ दर्शनार्थीले पूजा आरधाना गरिरहेका छन् । पुर्वको पशुपति मानिने हलेसीमामा अझै हप्ता दिनसम्म रामनवमी मेला लाग्ने बजार व्यवस्थापन समिति अध्यक्ष कमानिसं राईले बताउनु भयो । हलेसीमा तीन चार दिन देखि भक्तजनको घुइचो लाग्दै आएको छ । यस वर्षदेखि हलेसीमा यातायात सुबिधा पुगेपछि दर्शनार्थीको संख्यामा बृद्धि भएको मन्दीर व्यवस्थापन समितिले जनाएको छ । महादेव स्थान पार्वती गणेश मन्दीर धर्मद्धार पाप द्धार बसाहा गुफा भैरब स्थानलगायतका दृश्य अवलोकन दर्शन र मेला भर्न हलेसीमा स्वदेश तथा बिदेशबाट दर्शनार्थीको भिड लाग्ने गरेको छ ।

खोटाङमा सुधारिएको चुल्होप्रति सर्वसाधारण आकर्षित

दमन राई/खोटाङ
चैत्र-१०/ईन्धनको खपत सस्तो र भान्छा छिटो तयार हुने भएपछि खोटाङका गाउ-गाउका सर्बसाधारण सुधारिएको चुल्होप्रति आकर्षि हुन थालेका छन् । थोरै दाउराले भात तरकारी पकाउन सकिने भएपछि सर्वसाधारणहरु सुधारिएको चुल्होप्रति आकषिृत बनेका हुन् । जिल्लामा एक वर्ष यता सुधारिएको चुल्हो बनाउन थालिएको हो । जिल्लाका नेर्पा दिक्तेल चिउरीडाडा मात्तिम खार्पा खाल्ले अर्खौले बुईपा चिसापानीलगायत १५ गाबिसमा चुल्हो निर्माण कार्यक्रम साचालन भएको छ । जैबिक उर्जा सहयोग कार्यक्रमको आर्थिक सहयोगमा जिल्लाका दुई संस्था बाल सेवा समाज नेपाल नेर्पा र हिमाली क्लवले यस्तो अभियान साचालन गरिरहेका छन् । सुधारिएको चुल्हो करिब एक हजारको लागतमा निर्माण हुने भएपछि जिल्लामा यसको माग बढ्दो छ । जिल्लामा अहिले समान सतह फरक सतह र बहुउद्धेश्यीय गरी एक हजार दुई सय बढि घरमा सुधारिएको चुल्हो निर्माण भइसकेको बाल सेवा समाज नेपादल नेर्पाका अध्यक्ष दीपनारायण रिजालले बताउनु भयो । सुधारिएको चुल्होबाट उपयोगी धेरै र कम खर्चमा निर्माण हुने भएकाले पनि माग बढेको उहाँको भनाई छ । सदरमुकाम दिक्तेल भवन गैरामा होटल व्यवसाय गर्दै आउनु भएको सुवास आचार्यकाअनुशार सुधारिएको चुल्हो बनाएपछि चौतर्फी फाईदा भएको बताउनु हुन्छ । सुधारिएको चुल्हो बनाएपछि दाउरा कम लाग्नुकासाथै खाना पकाउन छिटो र धुवारहित भएको उहाँको अनुभव छ ।

खोटाङको हलेसीमा आज रामनवमी मेला

दमन राई/खोटाङ
चैत्र-११/रामनवमीको अवसरमा खोटाङको हलेसीमा ठूलो रामनवमी मेला लागीरहेको छ । हलेसीमा महादेव र पार्वतीको दर्शन गर्ने श्रद्धालु भक्तजनहरुको बिहानैदेखि घुइचो लागीरहेको छ ।
हलेसीमा आज विहानैबाट हजारौ दर्शनार्थीले पूजा आरधाना गरिरहेका छन् । पुर्वको पशुपति मानिने हलेसीमामा अझै हप्ता दिनसम्म रामनवमी मेला लाग्ने बजार व्यवस्थापन समिति अध्यक्ष कमानिसं राईले बताउनु भयो । हलेसीमा तीन चार दिन देखि भक्तजनको घुइचो लाग्दै आएको छ । यस वर्षदेखि हलेसीमा यातायात सुबिधा पुगेपछि दर्शनार्थीको संख्यामा बृद्धि भएको मन्दीर व्यवस्थापन समितिले जनाएको छ । महादेव स्थान पार्वती गणेश मन्दीर धर्मद्धार पाप द्धार बसाहा गुफा भैरब स्थानलगायतका दृश्य अवलोकन दर्शन र मेला भर्न हलेसीमा स्वदेश तथा बिदेशबाट दर्शनार्थीको भिड लाग्ने गरेको छ ।

अज्ञात रोगबाट खोटाङमा पाँच दर्जन बिद्यार्थी बिरामी

दमन राई/खोटाङ

चैत्र-७/केही दिनअघिदेखि फैलिएको अज्ञात रोगबाट खोटाङको छितापोखरीस्थित जनसेवा माविका पाँच दर्जन बिद्यार्थी बिरामी परेका छन् । ज्वरो आउने खोकी लाग्नेजस्ता लक्षण देखा परेको रोगबाट बिद्यालयका ६० जना बिद्यार्थी बिरामी परेका हुन् । पहिचान हुन नसकेको रोगकाकारण साचालन भइरहेको बार्षिक परिक्षा समेत प्रभाबित भएको छ । बिरामी परेका १० जना बिद्यार्थी भने परिक्षामा सामेल हुन नसकेको बिद्यालयका शिक्षक पदम खड्काले बताउनु भयो । बिद्यालयकाअनुशार १५ देखि २० वर्ष उमेर समुहका बिद्यार्थी बढि प्रभाबित भएको छ । गम्भीर प्रकृतिका बिरामीको थप उपचारकालागि जिल्ला अस्पताल दिक्तेलमा ल्याउने तयारी भइरहेको छ । स्थानीय स्वास्थ्यसंस्थामा अहेव नहुदा बिरामी बिद्यार्थीको उपचार हुन नसकेको स्थानीय रमेश बिष्फोटले जानकारी दिनु भयो ।

ट्याक्टरले किचेर खोटाङमा एक बालकको ज्यान गयो

दमन राई/खोटाङ
फागुन-१३ ट्याक्टरले किचेर खोटाङमा एक बालकको ज्यान गएको छ । भोजपुरबाट सामान लिएर दिक्तेलतर्फ आउदै गरेको को १ त ५०४८ नम्बरको ट्रयाक्टरले किचेर दोर्पा-३ खिरिमतुङका १४ बर्षीय बालम सरोज परियारको ज्यान गएकॊ हो ।

हिजो साँझ भएको दुर्घटनामा कक्षा ३ मा अध्यायनरत बालकको घट्नास्थलमै ज्यान गएको हो । थप अनुसन्धानका लागि प्रहरी टोली घटनास्थलतर्फ गएको जिल्ला प्रहरी कार्यालयले जनाएको छ ।

खोटाङका अयोग्य २३ लडाकु मध्ये एक मात्र पार्टी सम्पर्कमा

दमन राई/खोटाङ
फागुन-११, अनमिनको प्रमाणिकरणमा अयोग्य ठहरिएका खोटाङका एक जना लडाकुमात्र माओवादी पार्टी कार्यालयको सम्पर्कमा आएका छन् । प्रमाणीकरणमा ठहरिएका खोटाङका २३ अयोग्य माओवादी लगाकुममध्ये बतासेका अर्जुन नेपालीमात्र पार्टीको सम्पर्कमा आएको माओवादी खोटाङले जनाएको छ ।
उदयपुरको वेलसोतस्थित माओवादी शिबिरमा रहेका खोटाङका २३ जना लडाकु अयोग्य ठहरिएका थिए ।

खोटाङ सेवा समाज हङकङद्धारा पत्रकार सम्मानित

फागुन-३/खोटाङ सेवा समाज हङकङले खोटाङका पत्रकार दमन राईलाई सम्मान गरेको छ । जिल्लामा रहेर ग्रामिण पत्रकारितामा पुर् याएको योगदानलाई कदर गर्दै समाजले पत्रकार राईलाई सम्मान गरेको हो । आफ्नो बार्षिकोत्सवको अवशरमा समाजले पत्रकार राईलाई सम्मान गरेको हो । समाजले पत्रकार राईलाई प्रमाणपत्रकासाथमा पत्रकारलाई आवश्यकीय सामग्रीहरु प्रदान गरेको छ । राई नेपाल पत्रकार महासंघ खोटाङ शाखाका सदस्य रुपकोट सामुदायीक रेडियोको समाचार शाखालगायत छापा तथा बिद्युती साचार माध्याममा आवद्ध हुनुहुन्छ ।

खोटाङमा पनि प्रभास

खोटाङ/यही माघ २३ गते समूह केन्द्रीय सदस्य मुना निश्चलको उपस्थितिमा ११ सदस्यीय प्रभास साहित्यिक समूह खोटाङ गठन भएको छ । कोपिला थुलुङ 'आशुतोष'को संयोजकत्व तथा नवराज गाउँलेको सह-संयोजकत्वमा गठित उक्त समूहको सदस्यहरुमा तारा थुलुङ 'अथाह', ममिता मर्मस्पर्शी, शान्ता सन्ध्या, बिनादेवी राई, सरिता राई, कविराज दुःखी, सम्झना भुजेल, लिला पौडेल र युगसन किरात रहेका छन् । यसैगरी समूहले गायक/संगीतकार भीमसेना राई, साहित्यकार बिमला केयरलेस र कलाकार प्रदीप माइलालाई सल्लाहकार समितिमा चयन गरेको छ ।

अपमान गरेको भन्दै खोटाङ बाक्सिलाका दलीतहरुद्धारा आपत्ती

दमन राई/खोटाङ
म्ााघ-२९ सार्वजनिक स्थलमा दलितहरुलाई अपमान गरेकोभन्दै खोटाङ बाक्सिलाका दलीतहरुले आपत्ती जनाएको छ । दलीतहरुले आज एक विज्ञाप्तीमार्फत सार्वजनिक स्थलमा आफुहरुलाई भेलभाव गरेको भन्दै आपत्ती जनाएको हो । दलीतहरुले हिजो बाक्सिला फुटबल क्लवको अधिबेशनमा खाजा खानेक्रममा अपमान गरेको भन्दै आपत्ती जनाएको हो । दलित राष्ट्रिय मुक्ती मोर्चा बाक्सिलाका उपाध्यक्ष कुमार परियार सचिव रमेश परियार तथा कोषाध्यक्ष चन्द्र परियारले संयुक्त हस्ताक्षर गर्नु भएको बिज्ञप्तीमा गाविसका बुद्धिजिवी बर्गले नै दलितलाई भेदभाब र घृणा गरेको जनाइएको छ । उनीहरुले दलीतलाई आगमी दिनमा पनि भेलभावको प्रयास गरेमा चरणबद्ध आन्दोलन गर्ने चेतावनी दिएको राजु बस्नेतले जानकारी दिनु भयो ।

खोटाङ दोर्पाचिउरीडाडाका आमाहरु बिद्यालय स्थापना गर्ने अभियानमा

दमन राई/खोटाङ
माघ-२४, खोटाङ/दोर्पाचिउरीडाडाका आमाहरु गाउँमा बिद्यालय स्थापना गर्न जुट्ने भएका छन् । शिक्षामा लगानी हाम्रो अभियान भन्ने मूल नाराकासाथ नव प्रगतीशिल आमा समुह दोर्पा चिउरीडाडा-२ दुम्लीले आफ्नो गाउमा बिद्यालय निर्माण गर्ने भएको हो । विद्यालय स्थापनाकालागि आमा समुहले चार वर्ष अघिदेखि मासिक प्रतिव्याक्ती पाचका दरले उठाएर जम्मा भएको ७० हजारको लगानी गर्ने भएको छ । आगामी शैक्षिकसत्रदेखि साचालन हुनेगरी आमा समुहले प्रावि तहको विद्यालय स्थापना गर्ने भएका हुन् । मसिना बालबच्चालाई टाढाको विद्यालयमा पठाउन समस्य भएको भन्दै महिलाहरु आफ्नै गाउमा बिद्यालय स्थापना गर्ने अभियानमा जुटेका आमा समुहका अध्यक्ष माया खड्काले बताउनु भयो । विद्यालय स्थापना गर्नकालागि दोर्पाचिउरीडाडा-२ का कृष्णकुमार राई र तेजबहादुर बुढाथोकीले संयुक्त एक रोपनी जग्गा निशुल्क दिनु भएको छ । आमा समुहको बैठकले यस्तो निर्णय गरेको हो ।

आमा समुहमा संगठीत दोर्पाका आमाहरुले आफ्नो कोषमा जम्मा भएको रकम सस्तो व्याजमा लगानी गरिरहेका छन् । समुहमा आवद्ध सदस्यलाई आर्थिक समस्य परेकोबेला त्यही कोषमा जम्मा भएको ऋण दिने व्यवस्था मिलाएको िसंहदेवी प्राबि दोर्पाका प्रधानाध्यपक श्रीराम राईले जानकारी दिनु भयो । गाउमा बाटोघाटो मर्मत तथ सरसफाई गर्दै आएका आमा समुहले सुत्केरी मुटु र मृगौलाका बिरामीलाई आर्थिक सहयोग गर्दै आएको आमा समुहका सचिव अंजना राईले बताउनु भयो ।

बन्दकर्ताद्धारा पाँच दिनपछि जयरामघाट-दिक्तेल सडक बन्द फिर्ता

दमन राई/खोटाङ
माघ-२२ बन्दकर्ताले पाँच दिनपछि खोटाङको जयरामघाट-दिक्तेल सडक बन्द फिर्ता लिएका छन् । जयरामघाटका बन्दकर्ता र यातायात व्यवसायी संघ खोटाङका प्रतिनिधिवीच आउदो एक गतेसम्ममा बार्ताका माध्यायमबाट समस्यको निकास निकाल्ने सहमती भएपछि बन्द यातायात खुलेको हो । बन्द फिर्ता लिइएपछि जयरामबाट सामान ढुवानी शुरु भएको छ ।

सिन्डीकेटको माग गर्दै १६ गतेदेखि जयरामघाटका यातायात व्यवसायीले यातायात बन्द गरेका थिए । यातायात व्यवसायी संघ खोटाङले अवरुद्ध जयरामघाट-दिक्तेल सडक खुलाउनकालागि बन्दकर्तालाई छलफलका माध्यायमबाट निकास निकाल्नकालागि बुधबार पत्र पठाएको थियो ।

उनीहरुको सडक बन्दले १६ गतेदेखि जयरामघाटबाट दिक्तेलमा कुनै पनि समान ढुवानी हुन सकेको थिएन । खोटाङ उद्योग बाणिज्य संघ र यातायात व्यवसायी संघले सिन्डीकेट प्रणालीको बिरोध गर्दै आएको छ ।

पाँच दिनपछि खोटाङको जयरामघाट-दिक्तेल सडक सुचारु

दमन राई/खोटाङ
माघ-२१/पाँच दिनपछि खोटाङको जयरामघाट-दिक्तेल सडक खुलेको छ । बन्दकर्ता र यातायात व्यवसायी संघ खोटाङका प्रतिनिधिवीच आउदो एक गतेभित्र बार्ताका माध्यायमबाट समस्यको निकास निकाल्ने सहमती भएपछि बन्द यातायात खुलेको हो । बन्द फिर्ता लिइएपछि आजदेखि जयरामबाट सदरमुकाम दिक्तेलमा चामल नुन तेलजस्ता दैनिक उपभोग्यबस्तुको ढुवानी शुरु भएको छ । सिन्डीकेटको माग गर्दै १६ गतेदेखि जयरामघाटका यातायात व्यवसायीले दिक्तेल-जयरामघाट सडक बन्द गरेका थिए । यातायात व्यवसायी संघ खोटाङले अवरुद्ध जयरामघाट-दिक्तेल सडक खुलाउनकालागि बन्दकर्तालाई छलफलका माध्यायमबाट निकास निकाल्नकालागि पत्र पठाएको थियो ।

उनीहरुको सडक बन्दले १६ गतेदेखि जयरामघाटबाट दिक्तेलमा कुनै पनि समान ढुवानी हुन सकेको थिएन । खोटाङ उद्योग बाणिज्य संघ र यातायात व्यवसायी संघले सिन्डीकेट प्रणालीको बिरोध गर्दै आएको छ ।

अभियुक्तलाई निर्दोष सावित गरेपछि न्यायधिसमाथि नै कार्बाहीको माग

दमन राई/खोटाङ
माघ-११/सात बर्षपछि अभियुक्तलाई जिल्ला अदालत खोटाङले निर्दाेष सावित गरेपछि मृतकका छोराहरुले न्यायधिसमाथि नै कार्बाहीको माग गरेको छ । जिल्लास्थित बतासे वडानम्बर ८ का लिलानाथ दंगालको हत्याका अभियुक्त यज्ञकुमार राई र मुरारी भुजेललाई अदालतले निर्दाेष सावित गर्दै सफाई दिएपछि जिल्ला न्यायधिस दयानाथ खरेललाई आर्थिक प्रलोभनमा मुद्दा फैसला गरेको भन्दै कार्बाहीको माग गरेका छन् ।
मृतक दंगालका कान्छा छोरा इन्द्रप्रसाद दंगालले अभियुक्तले हत्या गरेको प्रसस्त प्रमाण हुदाँहुदै पनि निर्दोष सावित गरेर अदालतले न्यायिक क्षेत्रको खिल्ली उडाएको आरोप लगाउदै न्यायपरिषदमा कार्बाहीका लागि निवेदन दिएका छन् । हुलाकमार्फत न्यायपरिषदमा निवेदन दिएको आज पिडित दंगालले दिक्तेलमा पत्रकार सम्मेलनमार्फत जानकारी गराएका हुन् ।
२०५९ माघ २७ गते ५६ बर्षीय लिलानाथ दंगाललाई सोही गाविस वडानम्बर नौका राई र भुजेलले घाँस काट्न गएको बेला हत्या गरेको प्रमाणहरु खुलेपनि न्यायधिसले घुस खाएर निर्दाेष सावित गरेको पत्रकार सम्मेलनमा उनका छोराहरुले दावी गरका छन् । उनीहरुले न्यायधिस खरेलले ४० लाख रुपैयाँसम्म घुस लिएको हुन सक्ने ठोकुवा गरेका छन् । एमाले जिल्ला संगठन विभाग प्रमुख समेत रहेका जेठो छोरा रामप्रसाद दंगाल शिक्षक पेशामा आवद्ध माइला छोरा कासिनाथ दंगाल र एकीकृत माओवादीका जिल्ला सचिवालय सदस्य तथा दश नम्बर इलाका इन्चार्ज इन्द्र दंगाल आफ्नो बाबुको हत्यारालाई बचाएर न्यायिक क्षेत्रले नै आफुहरुलाई अन्याय गरेको पत्रकार सम्मेलनमा गुनासो गर्नु भएको छ ।
उहाहरुले पत्रकार सम्मेलनमा बाबुको हत्याको अभियोगमा अढाई बर्षअघि पक्राउ परेका राई र भुजेलले नै गरेको टेपरेकर्ड र अदालतमा पटक-पटक विभिन्न पक्षबाट दिइएको बयानसहितको प्रमाणहरु पत्रकार सामु प्रस्तुत गरेका छन् । दंगालको हत्या नै भएको डाक्टर रिपोट भएपनि प्रमाण नपुगेको भन्दै अदालतले विराटनगर कारागारमा रहेका अभियुक्त राई र तारिखमा रहेका भुजेलाई निर्दाेष सावित गर्दै हिजो आइतवार सफाई दिएपछि पिडितहरुले कार्बाहीका माग गरेका हुन्् ।
यता पिडितद्वारा घुस लिएको आरोप लागेका जिल्ला न्यायधिस खरेलले भने अभियुक्तलाई दोषी ठहर् याउने पर्याप्त र कानूनी प्रमाण जुट्न नसकेकाले सफाइ दिएको बताउनु भयो ।
दंगालको हत्याभएपछि ५ बर्षसम्म लगातार आफन्तहरुले १८ पटक प्रहरीमा अनुसन्धानका लागि निवेदन दिएपनि द्वन्द्वको समय भन्दै प्रहरी अनुसन्धानमा नगएको प्रमाण अदालतमा छ ।
न्यायाधिस खरेलले भन्नु भयो-घटनामा प्रभावकारी अनुसन्धान र वयान लिएको प्रमाण देखिदैन् । अभियुक्त राइले अर्का अभियुक्त भुजेलसंग गरेको टेपरेकर्डमा समेत राईले दंगाल मार्ने कुरा गरेको उल्लेख छैन्-न्यायधिसले भन्नु भयो ।
तर अभियुक्त राईले निर्दाेष सावितका लागि पुनरावेदन अदालतमा निवेदन दिएपछि पुनरावेदनले टेपरेडर्क संकास्पद भएको भन्दै राईलाई थुनामा नै राख्न र भुजेललाई तारिखमा छोड्न भनेको थियो ।
माओवादीद्वारा विस्थापित जेठा छोरा दंगालले ६४ सालमा टेप रेकर्डसहित निवेदन दिएपछि अभियुक्त राई र भुजेल ६४ साल साउनमा पक्राउ परेका थिए ।
त्यसबेला प्रहरी प्रशासनको उदासिनताकारण गाविस सचिवले नै मुचुल्का गरेको उहाले बताउनु भयो । न्यायधिस खरेल पनि डाक्टर रिर्पाेटबाट र अन्य प्रमाणहरुबाट दंगालको हत्या नै भएको स्वीकार गर्नु हुन्छ । उहाले भन्नु भयो -प्रहरीको फितलो अनुसन्धानले दोषी पत्ता लगाउन नसकिएको हो । मृतक दंगालका छोराहरुले विभिन्न पत्रपत्रिकामा ६ बर्षअघि प्रकाशित सामाग्रीहरु मानवअधिकार विभिन्न पक्षबाट हत्याबारेमा उल्लेख गरेका सामाग्री र टेपरेकर्डलाइ अदालतले लिपीवद्ध गरेको प्रमाणहरुसहित निवेदन दिएका छन् ।

चार दललाई कुर्सी उपाहार

दमन राई/खोटाङ
माघ-१०, सत्ता प्राप्तीको हाना थाप र कुर्सीको लुछाचुडीमा लागेको भन्दै एमाले निकट अनेरास्ववियु खोटाङले प्रमुख चार दललाई कुर्सी उपाहार पठाएका छन् । अनेरास्ववियुले एकीकृत नेकपा माओवादी कांग्रेस एमाले र मधेसी जनअधिकार फोरमलाई चन्दा संकलन गरेको पैसाले किनेको चार थान कुर्सी उपाहार पठाएको हो । तोकिएको मितिमा संविधान नबन्दा आईपर्ने सम्भावित संकटलाई मुलकले थेग्न नसक्ने भन्दै अनेरास्ववियुले देशका प्रमुख चार दलहरुको ध्यानाकृष्ट गराउदै ज्ञापनपत्रका साथमा कुर्सी उपाहार पठाएको हो ।

खोटाङ हलेसीका महिलाहरुद्धारा तीन सरकारी कार्यलयमा ताला

दमन राई/खोटाङ
माघ-५ /निर्देशिकाअनुकार महिलालाई बजेट विनियोजन नभएको विरोधमा खोटाङ हलेसीका महिलाहरुले गाविसका स्थानीय तीन सरकारी कार्यलयमा ताला लगाएका छन् ।

निर्देशिका अनुशार बजेट नपाएको भन्दै हलेसीका महिलाहरुले ईलाका खाद्य संस्थान कृषि तथा गाविसको कार्यलयमा ताला लगाएका हुन् । महिलाहरुले ताला लगाएपछि तीन ईलाका कार्यलयका दैनिक काम काज ठप्प भएको छ । कार्यलयको कामकाज ठप्प्भएपछि गाविस तथा छिमेकी गाविसका सर्वसाधारण मारमा परेका छन् । उनीहरुले गाउ परिषदको निर्णयसच्याउन माग गर्दै तीन ईलाका कार्यलयमा ताला लगाएको महिला अधिकार माचका उपाध्यक्ष गमिता राईले बताउनु भयो । महिलाहरुले निर्देशिकाले तोकेको भन्दा कम रकम विनियोजन गरेको भन्दै गत पुस- २५ गतेको गाउपरिषदको निर्णय सच्याउन माग गर्दै आएका छन् ।

महिलालाई निर्देशिका अनुशार बजेट नछुट्टयाइएको भन्दै महिलाहरुले पुस-२८ गते बिज्ञाप्तीमार्फत परिषदको निर्णय सच्याउन माग गरेका थियो । महिलाहरुले माघ ३ गतेभित्रमा परिषदको निर्णय नसच्याए चरणबद्ध आन्दोलन गर्ने र गाविसको काम काज समेत ठप्प पार्ने चेतावनी दिएका थिए । तर समयसिमा नाघिसक्दा पनि निर्णय नसच्याएको भन्दै महिलाहरुले ईलाका कार्यलयमा ताला लगायका हुन् । महिलाहरुले गत २५ गतेको गाउपरिषदले निर्देशिकाअनुशार आफ्नोलागि बजेट विनियोजन नभएको भन्दै गाउपरिषद बहिस्कार गरेका थिए । महिलाहरु परिषद बहिस्कार गर्दै बाहिरिएपछि पनि परिषदसाचालन भएको थियो ।

'जनताको एकताले मात्र संविधान निर्माण र शान्ति प्रक्रिया सफल हुन्छ' - प्रचण्ड

दमन राई/खोटाङ
माघ-३/एकीकृत नेकपा माओवादीका अध्यक्ष पुष्प कमल दाहाल प्रचण्डले नेपाली जनताको एकताले मात्र संविधान निर्माण र शान्तीप्रकि्रया सफल हुने बताउनु भयो । १८ दिने प्रथम खोटाङ युवा महोत्सवको समापन कार्यक्रमलाई आज सदरमुकाम दिक्तेलस्थित माटिकोरेमा सम्बोधन गर्नु हुदै अध्यक्ष प्रचण्डले यस्तो बताउनु भएकेा हो ।
उहाले संविधान निर्माण र शान्तीप्रकि्रयकाविरुद्ध भइरहेका गतिबिधिबिरुद्ध नेपाली जनताले एकता प्रदर्शन गर्न नसके देशमा ठूलो षडयन्त्र हुने खतरा भएको बताउनु भयो । अहिले देशी विदेशी शक्तीहरुले जनआन्दोलनको उपलव्धीहरुलाई असफल बनाउनमा लागेको बताउनुहुदै अध्यक्ष प्रचण्डले यसलाई तोड्नाकालागी सवैलाई आग्रह गर्नु भयो ।
एक अर्को प्रशंगमा उहाले शान्तीप्रकि्रयले माओवादीलाइ फाईदा पुग्ने देखेर कांग्रेस एमालेको नेतृत्वमा संविधानसभा बिघटनमा लागेको आरोप लगाउनु हुदै अध्यक्ष प्रचण्डले जनताले जसलाई हरायो उसैको सरकार बन्ने बिडम्बनाले देशमा प्रजातन्त्र र लोकतन्त्रको मजाक भएको टिप्पणी गर्नु भयो ।
कार्यक्रममा माओवादी पोलिट व्युरो सदस्य गोपाल किराती राष्ट्रिय व्यपार महासंघका अध्यक्ष शिब कट्टेल जनमुक्ती सेनाका डिभिजन कमाण्डर पर्वानालगायतको उपस्थिति रहेको थियो ।
प्रतिभाले फुल्न फलन अव पाउनु पर्छ युवा जागे उठेमात्र नयाँ नेपाल बन्छ भन्ने मूलनाराकासाथ पुस-१५ गते शुरु भएको महोत्सवमा महिला तथा पुरुष भलिबल कराते तेक्वान्दो धनुकाण दौड गायन नृत्यलगायत २७ विधामा प्रतियोगीता भएको थियो । महोत्सवमा जिल्लाबाहेक उदयपुर ओखलढुङगालगायतका हजारौं खेलाडीहरुको सहभागीता रहेको खोटाङ युवा महोत्सवका संयोजक नूरकाजी शैंजुले बताउनु भयो ।

खोटाङमा टेलिफोन सेवाका नाममा ठगिन्छन् सर्वसाधारणहरु

दमन राई/खोटाङ
माघ-१ खोटाङका अधिकांश ग्रामिण भेगका सर्वसाधारणहरु टेलिफोन सेवाका नाममा ठगिने गरेका छन् । टेलिफोन मालिकले टेलिकमले निर्धारण गरेको महसुल भन्दा दोव्वर तेव्वर शुल्क लिएपछि सर्वसाधारण ठगिएका हुन् । ग्रामिणभेगमा टेलिफोन गर्दा शुल्क मनपरी लिने गरेको सर्वसाधारणहरुको गुनासो छ । टेलिकमले अाचल भरीका लागि लोकल बनाएको लामो समय वितिसक्दा पनि अझ टेलिकमले निर्धारण गरेभन्दा दोब्वर रकम लिने गरेको गाउँका सर्वसाधारण्को गुनासो छ । यस्तो समस्या जिल्ल्ााका गाउँ गाउँमा बढि छ । ग्रामिण भेगमा लोकलफोन गर्दा एक मिनेटको प्रतिमिनेट सातदेखि दश रुपैयासम्म तिर्नु परेको सर्वसाधारणको भनाई छ ।
जिल्लाको याम्खामा प्रति मिनेट सात देखि १० रुपैया समेत लिने गरेको पाइएको छ भने डाडाँगाउँमा लोकल फोनको प्रतिमिनेट आठ रुपैका दरले रकम लिने गरेको स्थानीय कृष्ण कार्कीले बताउनु भयो । यस्तै जिल्लाका सुन्तले फाक्टाङ पौवासेरा मौवाबोट देविस्थान छोरम्वु बतासे सुङ्देल दिप्सुङ बाकाचोल खाल्लेखार्मी पाथेकासप्तेश्वर छितापोखरी लगाएतका गाविसमा मनोमानी टेलिफोन शुल्क लिने गरिएको छ । खोटाङको ग्रामिण भेगमा त परै जाओस सदरमुकाम दिक्तेलमा समेत लोकल टेलिफोन गर्दा प्रतिमिनेट सात रुपैया लिने गरेको पाइएको छ । यसवारेमा कुरा उठाउदा फोन मालिकले उल्टै मन परे टेलिफोन गर्नूस मन नपरे नगर्नूस तपाईहरु जस्ता सयौ ग्राहकहरु आउछन् भन्दै धम्क्याउने गरेको सर्वसाधारणको गुनासो छ ।

दुव्र्यवहारप्रति नेपाल महिला संघ खोटाङको ध्यानाकर्षण

पुस-३०/खोटाङ/लिकुवापोखरीका नीरा राईलाई मात्तिम-२ का यादव राईले दुव्र्यवहार गरेका घटनाप्रति नेपाल महिला संघ खोटाङले ध्यानाकर्षण भएको जनाएको छ । सप्तकन्य प्रावि लिकुवापोखरीका प्रधानाध्यापक समेत रहनु भएका राईलाई यादव राईले गत २६ गते मनपरी गाली गलौज गर्दै मार्ने धम्की दिएकोप्रति नेपाल महिला संघले गम्भी ध्यानाकर्षण भएको जनाएको हो ।
संघले आज विज्ञाप्तीमार्फत यस्तो जनाएको हो । नेपाल महिला संघ खोटाङकी सभापती सरस्वति बजिमयले हस्ताक्षर गर्नु भएको विज्ञाप्तीमा मानिसको स्वन्तत्र पुर्वक बाच्न पाउने अधिकारलाई कण्ठीत पार्ने अराजक व्यवहारको भत्स्रना गर्दै दोषीलाई कार्वाही र पिडितलाई न्याय दिलाउन सम्न्धीत निकायसंग माग गरेको छ । पिडित नीरा राई स्थानीय सावित्री अशल शासन क्लवमा आवद्ध हुनु हुन्छ ।
यसअघि घटनाप्रति महिला मानव अधिकार रक्षक साजाल खोटाङ गैरसरकारी संस्था महासंंघ महिला बिभाग अशल शासन जिल्ल्ाा समन्वय समित खोटाङले ध्यनाकर्षण भएको जनाइसकेको छ । गत २८ गते छुट्टाछुट्टै बिज्ञाप्ती प्रकाशित गरी यी संग संगठनले यादव राईलाई कडा कार्बाहीको माग गरेको छ । यी संघसंगठनले दोषीलाई कार्वाही नभए शशक्त आन्दोलन गर्ने चेतावनी दिएको छ । पिडित महिलाले आफु पिडामा परेको उजुरी प्रहरीचौकी छितापोखरीमा दिए पनि दोषीलाई अहिलेसम्म कार्वाही नभएको गुनासो गर्नु भएको छ । दोषीको खोजी भइरको जिल्ला प्रहरी कार्यलय खोटाङले जनाएको छ ।

विभिन्न गाविसको गाउ परिषद सम्पन्न

पुस-३०/खोटाङ खार्ताम्छाको गाउ परिषद सकिएको छ । पषिदले विद्युतलाई १२ लाख शिक्षालाई तीन लाख ९२ हजार सडकलाई एक लाख बजेट छुट्याएको छ । यस्तै खानेपानीलाई ९६ हजार सिचाईकालागि ४० हजार गाणतान्त्रीक भ्यु टावर निर्माणकालागि ३ हजार बजेट विनियोजन भएको छ । परिषदले रुपाकोट र हलेसी एफएमलाई समेत बजेट छुट्याएको छ ।
परिषदले खोटाङ युवा महोत्सवमा तेश्रो स्थान प्राप्त गर्ने खार्ताम्छाका महिला भलिबल खेलाडीहरुलाई कदर पत्रसहित सम्मान गर्ने एसएलसि पक्षिामा प्रथम स्थान प्राप्त गर्ने गाविसका छात्रछात्रहरुलाई पुरस्कृत गर्ने निर्णय गरेको छ ।
यस्तै दुःखकासाथ छोराहरुलाई डिग्री तह अध्यायन गराउनु हुने खार्ताम्छा-६ का देहेरीलाल बिष्ट र लिला बिष्टलाई सम्मान गर्ने निर्णय भएको गाविस सचिव लेखप्रसाद आचार्यले जानकारी दिनु भयो ।
यसैवीच बुईपाको गाउपरिषद सकिएको छ । परिषदले ग्रामिण सडकलाई १५ लाख शिक्षालाई तीन लाख खोपानीलाई एक लाख लगायतका बजेट विनियोजन गरेको छ ।
यस्तै विद्युतलाई एक लाख संघसस्थालाई दुई लाख ३६ हजार दलित महिलालाई ५० हजार लगायतका बजेट विनियोजन गरेको गाविस सचिव धनबहादुर श्रेष्ठले जानकारी दिनु भयो । उता विजयखर्कको गाउ परिषद पनि सकिएको छ । गाविस सचिव केदारनाथ खनालको अध्यक्षतामा योजना अनुगमन समिति निर्माण गर्दै परिषद सकिएको हो । २८ गते नै योजना बाफफाड गरीसकेको पषिदले आज प्रेम खनालको अध्यक्षतामा १५ सदस्यीय ग्रामिण सडक निर्माण उपभोक्ता समिति निर्माण गरेको छ । समितिको उपाध्यक्षमा जैसरी राई सचिव टंक पोखरेल र कोषाध्यक्षमा प्रेम राई रहनु भएको सहकर्मी गोविन्द कटुवालले जनाएका छन् । परिष दगत २६ गतेदेखि शुरु भएको थियो ।

माउ कुखुराले आधाकेजी ठूलो अण्डा पार् यो

पुस-२९/खोटाङ बुईपा-२ का धनकुमारी राईको माउ कुखुराले आधाकेजी ठूलो अण्डा पारेको छ । अहिले राईको घरमा अचम्मको अण्डा हेर्न आउनेहरुको भीड लागेको छ । पोथी कुखुराले आधा केजीभन्दा ठूलो अण्डा पारेपछि गाउलेहरु चकित भएका छन् । स्थानीय बुढापाकाहरुले घरमा लक्ष्मी भित्रिएको बताएका छन् । यसअघि राईको पोथी कुखुराले ऋषीको आकृति भएको अण्डा पारेको स्थानीय सुनिल राईलाई उधृद गर्दै सहकर्मी उमेत राईले जनाएका छन् ।

हलेसीका महिलाहरुद्धार गाउ परिषदको निर्णय सच्याउन माग

पुस-२९/निर्देशिकाअनुकार बजेट विनियोजन नभएको भन्दै खोटाङ हलेसीका महिलाहरुले गाउ परिषदको निर्णय सच्याउन माग गरेको छ । महिलाहरुले हिजो बिज्ञाप्तीमार्फत महिलाकालागि छुट्टिनु पर्ने वजेट नछुट्टाएको भन्दै परिषदको निर्णय सच्याउन माग गरेको हो । महिला अधिकार माचका उपाध्यक्ष गमिता राईले हस्ताक्षर गर्नु भएको विज्ञाप्तीमा महिलाहरुले आगामी माघ ३ गतेभित्रमा परिषदको निर्णय नसच्याए चरणबद्ध आन्दोलन गर्ने र गाविसको काम काज समेत ठप्प पार्ने चेतावनी दिएका छन् । महिलाहरुले गत २५ गतेको गाउपरिषदले निर्देशिकाअनुशार आफ्नोलागि बजेट विनियोजन नभएको भन्दै गाउपरिषद बहिस्कार गरेका हाम्रा सहयोगी सन्देश नाछिरिङले जनाएका छन् । उनीहरु परिषद बहिस्कार गर्दै बाहिरिएपछि पनि परिषदसाचालन भएको थियो ।

अनेरास्ववियु खोटाङको बैठक सम्पन्न

पुस-२९/शहिद मुक्सन किरात स्मृति प्रतिष्ठान स्थापना गर्ने निर्णय गर्दै एमाले निकट अनेरास्ववियु खोटाङको दोश्रो बैठक सकिएको छ । बैठकले माघ महिनाभित्र विद्यालयमा हुने गरेका बिकृति बिसङगतीको अनुगमनकालागि जिल्लाका दश विद्यालयको निरिक्षण गर्ने आउदो शैक्षिक सत्रदेखि नमूना विद्यालय सचालन गर्ने निर्णय गरेको छ । नमूना विद्यँलय साचालनकालागि बैठकले अनेरास्वविुका जिल्ला अध्यक्ष दीपक ठटालको अध्यक्षतामा ७ सदस्यीय कार्यदल निर्माण गरेको छ । कार्यदलका सचिवमा अनेरास्ववियुका सदस्य मिलन राई रहनु भएको छ । यस्तै माघ २० गते संविधान निर्माणकालागि दवाव आन्दोलन गर्ने फागुन २२ देखि खुल्ल्ाा अखिल कप भलिबल एकल गायन म्युजिकल प्रतियोगीता गर्ने निर्णय गरेको छ । बैठकले पाच सदस्यीय सल्लाहकार समिति तथा दश १५ सदस्यीय सचिवालय निर्माण भएको अनेरास्ववियुले जनाएको छ ।

राष्ट्रिय जनमोर्चाले आह्वान गरेको बन्दले पूर्वााचलको जनजीवन प्रभावित

पुस-२९/संघीयताको विरोधमा राष्ट्रिय जनमोर्चाले आज आह्वान गरेको बन्दले पूर्वााचलको जनजीवन प्रभावित बनेको छ । जनमोर्चाले संघीयताको बिरोधमा गरेको बन्दले पुवी जिल्ला सुनसरी मोरङ झापा धनकुटा तेर् हथुम भोजपुर उदयपुरलगायतका जनजीवन प्रभावित भएको हो । बन्दले आज बिहानैदेखि पुर्वी जिल्लाका बजार पसल यातायात कलकारखाना ठप्प भएका छन् । आज उदयपुरको सदरमुकाम गाईघाटमा बन्द आह्वानकर्ता र बन्द विरोधीबीच सामान्य झडप भएको छ । दुई पक्षबीच झडप हुन नदिन प्रहरी परिचालन गरिएको सहकर्मी उजुर राईले जनाएका छन् । यसैबीच बन्द आह्वान गर्दै हिँडेका आफ्ना कार्यकर्ताहरुलाई प्रहरीले बिहान विराटनगरबाट पक्रेको राष्ट्रिय जनमोर्चाले जनाएको छ ।

उद्योग बाणिज्य संघ खोटाङद्धारा अर्थ बाणिज्य पत्रकारिता पुरस्कारको घोषणा

पुस-२९/उद्योग बाणिज्य खोटाङले अर्थ बाणिज्य पत्रकारिता पुरस्कारको घोषणा गरेको छ । बाणिज्य संघको कार्यलयमा पत्रकार भेटघाट गरी संघले पाच हजार राशीको पुरस्कार घोषणा गरेको हो । गएको बैसाखदेखि आगामी फागुन मसान्तसम्ममा जिल्लाका पत्रकारहरुले प्रकाशन/प्रशारण गरेका अर्थ र बाणिज्यसम्बन्धी समाचारका आधारमा पुरस्कार प्रदान गरिने छ । जिल्लाको पत्रकारिता पेशालाई व्यवस्थीत र व्यवसायीक बनाउनकालागि पत्रकारिता पुरस्कार घोषाणा गरेको उद्योग बाणिज्य संघका अध्यक्षँ खुसनारायण शैजुले जानकारी दिनु भयो । हरेक बर्ष दिने पत्रकारिता पुरस्कार सुचना तथा प्रकाशन समितिले छनौट गरी पुरस्कार प्रदान गर्ने छ । कार्यक्रममा उद्योग बाणिज्यसंघ तथा जिल्लाका पत्रकारहरुको उपस्थिति रहेको सहकर्मी रकेट राईले जनाएका छन् ।

अर्खौलेमा ईलाका स्तरीय योजना तर्जुमा गोष्ठी तथा सार्वजनिक सुनुवाई कार्यक्रम सम्पन्न

पुस-२९, जिल्ला बिकास समिति खोटाङले अर्खौलेमा ईलाका स्तरिय योजना तर्जुमा गोष्ठी तथा सार्वजनिक सुनुवाई कार्यक्रम सकेको छ । जिल्ला बिकास समितिले ईलाका नम्बर ५ र ८ को संयुक्त योजना तर्जुमा गोष्ठीकासाथै सार्वजनिक सुनुवाई कायक्रम सकेको हॊ । गोष्ठीले सडकलाई प्रमुख योजनाकारुपमा छनौट गरेको छ । यस्तै सिचाई खानेपानीलगायतका योजनालाई पनि प्रमुख योजनाकारुपमा छनौट गरेको छ ।
यस्तै सार्वजनिक सुनुवाई कार्यक्रममा ईलाका पशु सेवा केन्द्रबाट औषधि नपाएको कृषि सेवा केन्द्रबाट समयमा मल बीउ नपाएको खोटाङको पश्चिमी क्षेत्रलाई सुख्खा क्षेत्र घोषणा गरी राहतको माग गर्नु पर्ने गुनासो उठेका थिए । कार्यक्रममा उपस्थित हुन भएका नेकपा माओवादीका धर्मराज राई कांग्रेसका कुलदीप राई एमालेका उदयबहादुर कार्की र नेकपा एकीकृतका कुमार राईगायतले उठेका जनगुनासोलाई सम्बन्धीत निकायमा पुर् याउने प्रतिबद्धता गर्नु भएको छ । कार्यक्रममा कृषि सेवा केन्द्र हलेसीका प्रमुखबाहेक अन्य ईलाका कार्यलयका प्रतिनिधिहरुको उपस्थिति नरहेको हाम्रा सहकर्मी गोविन्द कटुवालले जनाएका छन् । कार्यक्रको सहजीकरण जिल्ला बिकास समितका कार्यक्रम अधिकृत रबिकिरण आचार्य र नायव सुव्वा नाराण खवासले गर्नु भएको थियो ।

तावाखोला लधु जलविद्युत आयोजना दोस्रोको डिटेल सर्वेक्षण

पुस-२९, खोटाङ तावाखोला लधु जलविद्युत उपभोक्ता संस्था दोस्रो मात्तिमको डिटेल सर्वेक्षण सर्वे सकिएको छ । एक सय ५० उपभोक्ता रहेको संस्थाको बैकल्पीक उर्जा प्रबद्र्धन केन्द्र ईसापको २३ लाख २५ हजार र उपभोक्ताको २७ लाखको लागतमा बिद्युत पुरा हुने उपभोक्ता समितिले जनाएको छ । १८ किलोवाट क्षमता उत्पादन हुने विद्युतको २७ गतेदेखि सर्वे शुरु भएको सचिव अमृत खड्काले जानकारी दिनु भयो । नर्थ ईन्जीनियरिङ काठामाडौंका ईन्जीनयर कृष्ण शर्माले संस्थाको सर्वे गर्नु भएको सहकर्मी पर्शु धिमालले जनाएका छन् ।

ओखलढुङगामा ट्रकको ठक्करबाट एक जनाको ज्यान गयो

पुस-२९. ओखलढुङगा ट्रकको ठक्करबाट एक जनाको ज्यान गएको छ । गएराती सदरमुकामबाट हर्कपुरतर्फ जादै गरेको ट्रकको ठक्करबाट ठुलाछाप-६ केउरेनीका ४० वर्षीय कुमार परियारको ओखलढुङगा सदरमुकामस्थित गोरुमारे भाज्याङमा ज्यान गएको हो । मृतक परियारको घटना स्थलमै ज्यान गएको प्रहरीले जनाएको छ । बाटोमा हिडिरहेका परियारलाई खुट्टामा ठक्कर दिएपछि ट्रक व्याक गरी किचेर मारेको प्रत्यक्षदर्शीले बताएका छन् । ट्रक चालक भने फरार रहेको छ । स्थानीयवासीले दोषीलाई कार्वाहीको माग गर्दै सडक बन्द गराएका छन् । सडक बन्द भएपछि ओखलढुङगामा यातायात सेवा ठप्प भएको छ । उनीहरुले सडकमा ढुङगा मुढा र ट्रक राखेर बाटोमा अवरोध गरिरहेका सहकर्मी राजनकुमार राईले जनाएका छन् ।

राष्ट्रिय जनमोर्चाले संघीयताको विरोध गरेकोमा किरात जनवादी वर्कसको ध्यनाकर्षण

दमन राई/खोटाङ
पुस-,२७ राष्ट्रिय जनमोर्चाले संघीयताको विरोध गरेकोमा किरात जनवादी वर्कसको गम्भीर ध्यनाकर्षण भएको जनाएको छ । मुलुक संघीयतामा गइसकेको अवस्थामा राष्ट्रिय जनमोर्चाको संघीयताबिरुद्धको गतिबिधिप्रति वर्कसले गम्भीर ध्यानाकर्षण भएको जनाएको हो । वर्कसका केन्द्रीय सदस्य तथा प्रबक्ता आदिमले आज दिउसो टेलिफोन सम्पर्क गरी राष्ट्रिय जनमोर्चाको संघीयताको बिरोधले देश र देशवासी कसैको हित नगर्ने बताउनु भयो ।
राष्ट्रिय जनमोर्चाले आफ्नो संघीयताको विरोधलाई नसच्याए किरात गणराज्यभित्रबाट विस्थापित गराउने वर्कसका केन्द्रीय सदस्य तथा प्रबक्ता आदिमले चेतावनी दिनु भयो ।

मल ल्याउने प्रतिबद्धता गरेको हप्ता दिन बितिसक्दा पनि खोटाङमा मल आएन

दमन राई/खोटाङ
पुस-२६, मल ल्याउने प्रतिबद्धता गरेको हप्ता दिन बितिसक्दा पनि खोटाङमा मल आएका छैनन् । जिल्लामा १५ दिनभित्र मल ल्याउने प्रतिवद्धता गरेको हप्ता दिन वितिसक्दा पनि मल नहाएका हुन् । जिल्लाका राजनितिक दल प्रशासन जिल्ला विकास समिति शिक्षा कृषि स्वास्थ्य तथा मालपोतगरी छ वटा कार्यलयले १५ दिनभित्र मल ल्याउने प्रतिबद्धता गरेको मिति नाघिसकेपनि जिल्लामा मल आइपुगेका छैनन् । गएको मंसिर ४ गते दिक्तेलमा भएको गुनस्तरिय विकास योजना र प्रभावकारि सार्वजानिक सेवा विषयक सार्वजनिक सुनुवाई कार्यक्रममा यी कार्यालयहरुले १५ दिनभित्र जिल्लामा रासायनीक मल ल्याउने प्रतिबद्धता पत्रमा हस्ताक्षर गरेका थिए । ४ गते गरिएको।प्रतिवद्धताअनुशार गत १९ गते नै जिल्लामा मल आईपुग्नु पर्ने थियो । तर प्रतिबद्धता गरिएको हप्ता दिन वितिसक्दा पनि खोटाङमा मल ल्याइएको छैन ।
मल केही हप्तामै जिल्लामा आईपुग्ने जिल्ला कृषि बिकास कार्यलयमका प्रमुख श्यामप्रसाद घिमिरेले बताउनु भएको छ । बन्द भौगोलिक बिकटतालगायतका विविध मन्त्रालयको नितीगत समस्यले पनि समयमा मल ल्याउन नसकिएको कार्यलय प्रमुख घिमिरेले बताउनु भयो । बिराटनगरबाट ठेकेदारमार्फत मल ढुवानी शुरु भएकोले केही दिनमै मल आई पुग्ने उहाको भनाई छ ।

दक्षिणी खोटाङका महिलाहरु थामखर्क विमानस्थलको टेवा पर्खाल निर्माणमा

दमन राई/खोटाङ

पुस-२५, पुरुषहरु रोजगारको लागि विदेशिने क्रम तिव्र रुपमा बढि रहँदा दक्षिणी खोटाङका युवति तथा महिलाहरु विमानस्थल निर्माणमा जुटेका छन् । जिल्लाको दोश्रो थामखर्क विमानस्थलको टेवा पर्खाल निर्माणमा स्थानीय महिलाहरु सकि्रयताका साथ कम्मर कसेर लागिपरेका हुन् ।

वड्कादियाले गाउँ विकास समितिमा रहेको विमानस्थलको टेवा पर्खाल निर्माण गर्न यतिबेला एक सय ६८ जना स्थानीय महिला तथा युवतीहरु सकि्रयताका साथ लागि परेका हुन् । नागरिक उड्यन प्राधिकरणको ६५ लाख रुपैया मध्ये टेवा पर्खाल निर्माणको लागि छुट्टिएको ६ लाख रुपैयाको बजेटबाट टेवा पर्खाल बनाउने काम भईरहेको ठेकेदार कर्ण आचार्यले जानकारी दिनुभयो ।

स्थानीय वड्कादियाले खोटाङबजार सावाकटहरे वाप्लुखा ईन्द्रेणीपोखरी र चिप्रीङ का अधिकांश महिलाहरु यसरी काम गरिरहेका छन् । उनीहरुले दैनिक ८ घण्टाको दरले काम गरिरहेका छन् । घरको आर्थिक स्थिती कमजोर भएर वर्ष दिन सम्म पनि राम्ररी खान नपुग्ने भएपछि काम गर्न आएका स्थानीय कमला राईले बताउनुभयो । दैनिक २५० रुपैया ज्यालामा काम लगाएको ठेकेदारले बताएपनि दुईसय मात्र दिएको प्रति कामदारले गुनासो गरेका छन् ।

पहिला काम लगाउँदा २५० रुपैया दिने भनेर काम लगाएको उनिहरुले आरोप लगाएका छन् । दैनिक उपभोग्य समान र घर खर्च चलाउनका लागि ज्यालादारीमा काम गर्नुपरेको स्थानीय रमा विश्वकर्माले बताउनुभयो । वर्षादको समायमा विमानस्थलको तत्लो भाग बगेपछि टेवा पर्खाल लगाउने काम भईरहेको छ । त्यहाँ विद्यार्थीहरु पनि काम गरिरहेका छन् ।

स्कुलमा जाडो विदाभएपछि पढाईखर्च जुटाउन भन्दै उनिहरु ज्यालादारीमा काम गरिरहेको कक्षा ६ मा पढ्दै गरेकी महिला सरीता कोईरालाले बताउनुभयो । विमानस्थलमा टेवा पर्खाल संगै टावर पनि बन्न लागेको छ । जसको लागि ५९ लाख रुपैया बजेट विनियोजन भएको छ । जिल्लाको तीनवटा विमानस्थल मध्ये यो दोश्रो विमानस्थल हो । यस विमानस्थलमा हप्तामा दुई पटक थामखर्क-काठमाडौ र थामखर्क-विराटनगर नेपाल वायुसेवा निगमले नियमित उडान भर्दै आएको छ ।

खोटाङ दोर्पा चिउरीडाडाका समुदाय कुलो निर्माणमा

खोटाङ दोर्पाचिउरीडाडाका समुदायले जनश्रमदानबाट कुलो निर्माण गरिरहेका छन् । वीना कसैको सहयोग गाविसका ५०/६० जनाको समुहलॆ कुलो खनिरहेका छन् । विकास निर्माणकालागि अरुको मुख ताक्ने प्रवित्तिलाई छाडेर दोर्पाका समुदायले उदाहरणीय काम गरेको स्थानीय टंक कटुवालले बताउनु भयो ।

प्रतेक घरका एक जना अनिवार्यरुपमा कुलो बनाउने काममा लगीरहेका दोर्पाका समुदायले दश किलो मिटर लामो कुलोको आधा काम सकिसके छन् । कुलो निर्माण भएपछि दोर्पाका ढिकुरे कात्तिके चिलाउने वालिङ पिप्ले छिताताल काहुलेलगायत नेर्पाका केहीभागमा समेत सिचाई सुबिधा पुग्ने स्थानीय कटुवालले बताउनु भयो ।

उहकाअनुशार कुलो बनेपछि झण्डै चार सय रोपनी खेतलाई सिचाई गर्न पुग्ने छ ।

खोटाङ दिक्तेल बजारको रत्नपार्क क्षेत्रको व्यवस्थापन कार्य शुरु

दमन राई/खोटाङ
महिनौंंदेखि अस्तव्यस्त बनेको खोटाङ दिक्तेल बजारको रत्नपार्क क्षेत्रको व्यवस्थापन कार्य शुरु भएको छ । बजारमा गुड्ने सवारी साधनले ढल र खानेपानीको पाईप फुटाएपछि अव्यवस्थित बनेको दिक्तेलको रत्नपार्क क्षेत्रको बजार व्यवस्थित गर्ने काम शुरु भएको हो । जिल्ला बिकास समितिको तीन लाख ८० हजार आर्थिक सहयोगमा काम शुरु भएको निर्माण उपभोक्ता समिति अध्यक्ष राजु श्रेष्ठले बताउनुभयो । अहिले बसपार्कदेखि बालमन्दीरसम्मको खानेपानी पाईपको व्यवस्थापनको काम भइरहेको छ । एक सय ७० मिटरमात्र काम गर्न पुग्ने रकमले अहिले त्यो भन्दा ६० मिटर वढि काम भइरहेको अध्यक्ष श्रेष्ठले बताउनु भयो । जिल्ला विकास समितिको ईस्टीमेटअनुशार दुई सय ५० मिटर काम पुरा गर्नु पर्ने हुन्छ । तर यसकालागि ११ लाख बराबर रकमको आवश्यकता पर्ने अध्यक्ष श्रेष्ठको भनाइछ । फेरी-फेरी पनि बजारलाई हिलाम्मे हुन नदिन सडकको किनाराबाट खानेपानी पाईपलाई राख्ने काम भइरहेको छ । यस्तै सडकको छेउमा राखिने पाईपलाई ड्रेनभित्र सुरक्षित पुर्ने काम भइरहेको निर्माण समितिका अध्यक्ष श्रेष्ठले बताउनु भयो । निर्माण समितिले सडक सोलिङ गर्ने र ढल तथा खानेपानीलाई व्यवस्थित गर्नेछ ।

आगलागी हुदा खोटाङमा पाच लाख बराबरको धन माल नष्ट

दमन राई÷खोटाङ
पुस-२१ ख्ााेटाङको खार्मी-४ का रामबहादुर खत्रीको घरमा आगलागी हुदा पाच लाख बराबरको धन माल नष्ट भएको छ । हिजो लागेको आगोले खत्रीको अन्न लत्ताकपडा काठपात मालमत्ता दुई वटा बाख्राको पाठा दुई वटा कुखुरा नगद १३ सय ६० जलेको स्थानीय प्रहरीचौकी तालखर्कका हवल्दार बाबुराम बास्तोलाले जानकारी दिनु भयो । अगेनमा भएको दाउरा सल्किएर आगलागी भएको हुन सक्ने अनुमान गरिएको प्रहरीले जनाएका छन् ।

किरात जनवादी वर्कसका पाच कार्यकर्ताद्धारा पार्टी परित्याग

दमन राई÷खोटाङ
पुस-१९ किरात जनवादी वर्कसका सस्थापक सदस्य कुमार राई विजयले पार्टी परित्यागको घोषणा गर्नु भएको छ । सस्थापक सदस्य राईसहित वर्कसका पाच जना कार्यकर्ताले आज एक विज्ञाप्तीमार्फत साधारण सदस्यसमेत नरहनेगरी पार्टी परित्यगको घोषण गर्नु भएको हो ।
पार्टीलाई सामुहिक वा एकल नेतृत्वमा लैजाने भन्ने विषयमा पार्टी अध्यक्ष विद्रोही विवस र हाङछा किरातीसंग कुरो नमिलेपछि पार्टी परित्याग गरेको सस्थापक सदस्य विजयले केहीवेरअघि टेलिफोन सम्पर्क गरी जानकारी दिनु भयो । पार्टीलाई सामुहिक नेतृत्वमा लैजानु पर्ने प्रस्ताव राखेपछि अफुलाई नेतृत्व पङतीले पार्टी छोड्न दवावसमेत दिएको विज्ञाप्तीमा जनाईएको छ ।
टेलिफोन सम्पर्कमा उहाले अव वर्कस पार्टीसंग कुनैसम्बन्ध नरहने र स्वतन्त्र नागरिकसरह बस्ने जानकारी दिनु भयो । उहाले पार्टी परित्यागपछि प्रशासन वा पार्टीले निगरानी राखे वाच्नकालागि जस्तोसुकै कदम चाल्ने चेतावनी दिनु भयो ।

उपस्वास्थ्यचौकी हलेसीलाई दश लाख बढी मूल्य पर्ने जग्गा निशुल्क

दमन राई/खोटाङ
पुस-१७/खोटाङ हलेसीका तीन जना स्थानीय समाजसेवीले उपस्वास्थ्यचौकी हलेसीका लागि सामुहिक रुपमा दश लाख बढि मूल्य पर्ने जग्गा निशुल्क दिनु भएको छ । हलेसी-४ का गोपाल गिरीले उपस्वस्थ्यचौकी हलेसीकालागि तीन रोपनी जग्गा निशुल्क दिनु भएको छ । उप स्वास्थ्यचौकीको स्तर बृद्धि भएको भन्दै गिरीले पाच लाख बराबरको जग्गा निशुल्क दिनु भएको हो । उहाले उप स्वास्थ्यचौकीका नाममा जग्गा पास गराई सक्नु भएको छ ।
यस्तै स्वास्थ्यचौकीकालागि दुगबहादुर केशीले तीन लाख बराबरको दुई रोपनी प्रकाशचन्द्र गिरीले एक लाख ५० हजार र शुक्र बिश्वकर्माले एक लाख बराबरको जग्गा निशुल्क दिनु भएको छ । निशुल्क जग्गा दाता दुगबहादुर प्रकाशचन्द र शुक्रले भने उपस्वास्थ्यचौकीको नाममा जग्गा पास गरिदिन वाकी रहेको सहयोग समितिका अध्यक्ष हरिश्चन्द्र गिरीले जानकारी दिनु भयो ।

तोकिएको समयमा नयाँ संविधान निर्माण गर्न कांग्रेस खोटाङद्धारा सवै पक्षलाई आव्ह्ान

दमन राई/खोटाङ
पुस-१७ नेपाली कांग्रेस जिल्ला कार्य समिति खोटाङले तोकिएको समयमा नयाँ संविधान निर्माण गर्न सवै पक्षलाई आव्ह्ान गरेको छ । समयमै संविधान बन्न नसके राजनितीक अस्थिरता बढ्ने र जनआन्दोलन भाग २ को उपलव्धी गुम्ने खतराप्रति चिन्ता व्याक्त गर्दै कांग्रेसले तोकिएकै समयमा संविधान निर्माण गर्न सवैलाई आव्ह्ान गरेको हो । कांग्रेस खोटाङले आज एक विज्ञाप्तीमार्फत यस्तो जनाएको हो । कांग्रेसका जिल्ला सचिव तथा प्रवक्ता महेन्द्र कटुवालले हस्ताक्षर गर्नु भएको विज्ञाप्तीमा मुलुकको असमझदारीलाई हल गर्दै शान्ती प्रकि्रयालाई तार्किक निष्कर्षमा पुर्याउन र समयमै संविधान निर्माण गर्न पहल गर्ने जनाइएको छ ।
कांग्रेसले हिजो सकिएको दुई दिने बैठकले गरेको चार बुदे निर्णय पनि आज सार्वजनिक गरेको छ । पार्टीको संगठन सुढृडिकरणकालागि कार्य समितीले गरेका चार बुदे निर्णय पनि सार्वजनिक गरेको कांग्रेस सभापती विष्णुकुमार राईले जानकारी दिनु भयो ।